Një incident i rëndë është regjistruar në Fier, ku tre vajza adoleshente dyshohet se kanë dhunuar fizikisht një bashkëmoshatare brenda një banese.
Sipas informacioneve paraprake, ngjarja është filmuar me telefon nga njëra prej vajzave të pranishme. Në pamje, që kanë qarkulluar në rrjetet sociale, shihet e mitura teksa goditet me shuplaka dhe grushte, ndërsa personi që filmon dëgjohet duke i nxitur të tjerat të vijojnë dhunën.
Rasti është denoncuar në Policinë e Fierit, e cila ka nisur veprimet procedurale për identifikimin e të gjitha të përfshirave dhe për zbardhjen e plotë të rrethanave të ngjarjes.
Autoritetet po vijojnë hetimet për të sqaruar motivet e konfliktit dhe përgjegjësitë e secilës prej personave të përfshirë në këtë rast.