Sara Gjordeni dhe Bardhi kanë ndarë me ndjekësit një tjetër moment të veçantë nga jeta e tyre familjare, duke zbuluar gjininë e fëmijës së dytë që presin.
Pasi më herët Sara bëri të ditur se ishte në pritje të ëmbël gjatë një puntate të emisionit “She’s on Top”, çifti ka konfirmuar tashmë se së shpejti do të bëhen prindër të një tjetër vajze.
Lajmi u nda përmes një videoje emocionuese të publikuar në rrjetet sociale, ku protagoniste është vajza e tyre, Nea. Në videon e “gender reveal”, vogëlushja pret tortën dhe ngjyra rozë në brendësi zbulon se familjes do t’i shtohet edhe një princeshë.
Sara dhe Bardhi, të cilët tashmë janë prindër të Neas, e cila së shpejti mbush dy vjeç, kanë marrë urime të shumta nga miqtë, kolegët dhe ndjekësit pas publikimit të videos.
Historia e tyre e dashurisë nisi në shtëpinë e “Big Brother VIP Albania 3”, ku u njohën gjatë spektaklit dhe më pas vazhduan marrëdhënien edhe jashtë formatit televiziv.