Ministri i Punëve të Brendshme, Besfort Lamallari, ka reaguar pas aksidentit të rëndë të ndodhur në aksin rrugor Kashar–Tiranë, ku u përfshi një autobus i linjës Berat–Tiranë.
Përmes një reagimi publik, Lamallari u shpreh i tronditur nga ngjarja, në të cilën humbi jetën drejtuesi i autobusit, ndërsa 13 persona të tjerë mbetën të lënduar.
Ministri i shprehu ngushëllimet familjes Hasimi për humbjen e të afërmit të tyre, si dhe u uroi shërim të shpejtë të gjithë të plagosurve.
Ai bëri të ditur se Policia e Shtetit ndërhyri menjëherë në vendin e ngjarjes dhe po vijon hetimet për të zbardhur rrethanat dhe shkaqet e aksidentit.
Në përfundim të reagimit, Lamallari apeloi për respektimin e rregullave të qarkullimit rrugor, duke theksuar se siguria në rrugë mbetet garancia kryesore për mbrojtjen e jetës.