Agjencia për Media dhe Informim (MIA) bëri të ditur se gjatë periudhës 2013–2026 të ardhurat e qytetarëve shqiptarë kanë shënuar rritje të konsiderueshme.
Sipas të dhënave të publikuara, paga mesatare bruto në Shqipëri është rritur nga 321.7 euro në vitin 2013 në 935 euro në vitin 2026. Në sektorin publik, paga mesatare është rritur nga 371.8 euro në 2013 në 1,094 euro në 2026.
Gjithashtu, paga minimale ka pësuar rritje, duke kaluar nga 22,000 lekë në 50,000 lekë gjatë kësaj periudhe.
Sipas MIA-s, deri në vitin 2030 paga mesatare pritet të arrijë në 1,200 euro në total për sektorin publik dhe privat, ndërsa në sektorin publik parashikohet të shkojë deri në 1,300 euro.
Agjencia thekson se këto zhvillime lidhen me politikat ekonomike për formalizimin e ekonomisë, rritjen e punësimit dhe përmirësimin gradual të standardit të jetesës, si dhe me synimin për rritjen e fuqisë blerëse të familjeve shqiptare.
