Një aksident i rëndë është regjistruar në aksin rrugor Durrës-Plepa, në zonën e Shkozet, ku një automjet ka dalë jashtë kontrollit dhe ka përfunduar duke lëvizur në kahun e kundërt të rrugës, duke krijuar rrezik për drejtuesit e tjerë të mjeteve.
Sipas informacioneve paraprake, drejtuesi i automjetit është transportuar me urgjencë drejt spitalit dhe raportohet se ndodhet në gjendje të rëndë shëndetësore.
Rrethanat e aksidentit mbeten ende të paqarta. Burime paraprake nuk përjashtojnë mundësinë që shoferi të ketë qenë nën efektin e alkoolit ose të ketë pësuar një problem të papritur shëndetësor gjatë drejtimit të mjetit, por deri tani nuk ka një konfirmim zyrtar nga autoritetet.
Ngjarja ka shkaktuar shqetësim dhe vështirësi në qarkullim në segmentin që lidh Durres me zonën e Plepave, ndërsa policia ndodhet në vendngjarje dhe po punon për zbardhjen e plotë të shkaqeve të aksidentit.