ITALI- Milani vendosi të shkarkojë Igli Taren bashkë me të gjithë drejtuesit e tjerë dhe trajnerin Alegri. Në prapaskenë ishte Zlatan Ibrahimoviç me pronarin Xherri Kardinale.
Ralf Ragnik u tregua si pasues i Tares për pozicionin e drejtorit sportiv. Trajneri i Austrisë foli duke shmangur zërat për momentin. Fokusi i tij është te Botërori.
“Të gjithë ndoshta vunë re se diçka e jashtëzakonshme ndodhi atje fundjavën e kaluar. Pika ime e vetme e kontaktit në lidhje me çështjet kontraktuale është dhe mbetet Federata Austriake e Futbollit. Jam shumë i lumtur këtu, diskutimet me federatën kanë qenë gjithmonë pozitive”, u shpreh trajneri i Austrisë.
Te Milani mund të jenë penduar për shkarkimet e menjëhershme. Aktualisht projekti për sezonin e ri ka mbetur në ajër./PanoramaSport