Nata e tetëmbëdhjetë e spektaklit Ferma VIP ka sjellë një nga njoftimet më të rëndësishme të këtij sezoni: finalja e madhe e edicionit të tretë do të mbahet më 15 qershor.
Produksioni bëri të ditur se, përveç fituesit të çmimit të madh, edhe finalistët e tjerë do të shpërblehen me nga 10 mijë euro secili.
Ndërkohë, gara është bërë edhe më intensive pas zbulimit se Agai ka fshehur në fermë një shumë prej 10 mijë eurosh të groposura, duke shtuar konkurrencën dhe strategjitë mes fermerëve.
Me afrimin e finales, tensionet brenda shtëpisë po rriten, ndërsa çdo javë po bëhet vendimtare për fatin e konkurrentëve. Eliminimet dhe zhvillimet e fundit kanë ndryshuar ndjeshëm dinamikën e lojës, duke e bërë garën më të paparashikueshme.
Tashmë, me datën e finales të konfirmuar, Ferma VIP hyn në fazën më të rëndësishme të këtij edicioni, ku çdo vendim dhe çdo votë mund të përcaktojë fituesin.
Edicioni i tretë i spektaklit nisi më 27 mars nën moderimin e Arbana Osmani, ndërsa regjia mban firmën e partnerit të saj, Eduart Grishaj.