Kinematografia shqiptare ka humbur një prej figurave të saj më të dashura. Aktori i mirënjohur Birçe Hasko ka ndërruar jetë në moshën 84-vjeçare, duke lënë pas një trashëgimi të çmuar në teatër dhe film.
I vlerësuar për talentin dhe autenticitetin e tij në skenë, Hasko u bë i njohur për interpretimet e spikatura të personazheve që mishëronin me finesë dhe humor “njeriun popullor” të jugut shqiptar, duke mbetur i paharrueshëm për breza të tërë shikuesish.
Përgjatë karrierës së tij artistike, ai realizoi dhjetëra role që e shndërruan në një nga emrat më të respektuar dhe më të dashur të kinematografisë shqiptare.
Me ndarjen e tij nga jeta, arti shqiptar humbet një aktor të rrallë, ndërsa publiku një fytyrë që la gjurmë të pashlyeshme në kujtesën kolektive.