Një aksident i rëndë rrugor është regjistruar në aksin kombëtar Librazhd–Elbasan, në zonën e Xibrakë, ku disa automjete janë përplasur me njëra-tjetrën në rrethana ende të paqarta.
Sipas informacioneve paraprake, në aksident janë përfshirë të paktën katër mjete. Si pasojë, ka humbur jetën një shtetas kinez 33-vjeçar, i cili drejtonte një prej automjeteve, ndërsa katër persona të tjerë kanë mbetur të plagosur dhe janë transportuar në spital për ndihmë mjekësore.
Burime nga vendngjarja konfirmojnë se viktima është një shtetas i huaj, ndërsa identiteti i tij nuk është bërë ende publik.
Në vendngjarje ndodhen forcat e policisë dhe ekipet e emergjencës, të cilat po punojnë për zbardhjen e plotë të shkaqeve të aksidentit, si dhe për normalizimin e qarkullimit në këtë segment rrugor.