TIRANË– Policia ka vënë në pranga një shtetase në një një “fole” prostitucioni në mes të Tiranës. Bazuar në njoftimin e policisë, rezulton se pas hetimeve që zgjatën mëse tre muaj bashkë me Prokurorinë e Tiranës, u arrestua në flagrancë për “shfrytëzimi i prostitucionit”, B. G., 40 vjeçe.
Gjithashtu u procedua penalisht në gjendje të lirë, për veprën penale “prostitucioni” edhe një 41-vjeçare që besohet se ishte punëtore seksi.
Aksioni u krye nga Komisariati nr. 2, në një qendër masazhi në rrugën “Ismail Qemali”, në pronësi të 40-vjeçares që përfundoi pas hekurave.
“Shërbimet e Komisariatit të Policisë Nr. 2, si rezultat i një hetimi 3-mujor, të kryer në koordinim me Prokurorinë e Tiranës, arrestuan në flagrancë, për veprën penale “Shfrytëzimi i prostitucionit”, shtetasen B. G., 40 vjeçe, si dhe proceduan penalisht në gjendje të lirë, për veprën penale “Prostitucioni”, një 41-vjeçare. Në ambientet e subjektit (qendër fizioterapeutike), në rrugën “Ismail Qemali”, në pronësi të shtetases B. G., 40 vjeçe, u konstatua se shfrytëzohej për prostitucion një 41-vjeçare.”-njoftoi policia.
Në cilësinë e provës materiale u sekuestrua një shumë parash e përfituar nga kjo veprimtari e kundërligjshme. Materialet procedurale iu referuan Prokurorisë së Tiranës, për veprime të mëtejshme./Radar.al