Një autobus që transportonte pelegrinë pakistanezë mësohet se është përmbysur në Iran.
Për rrjedhojë, 28 pasagjerë kanë humbur jetën ndërsa 23 të tjerë kanë mbetur të plagosur.
Ngjarja mësohet të ketë ndodhur mbrëmjen e së martës (20 gusht) në provincën qendrore iraniane Yazd dhe sipas mediave iraniane bëhet me dije se autobusi hasi në një problem në sistemin e frenimit.
Nga 23 pasagjerët e plagosur, 7 prej tyre ndodhen në gjendje kritike për jetën.
11 gra dhe 17 burra janë në mesin e personave që humbën jetën në aksident.