Një aksident i rëndë rrugor është regjistruar në rrugën e Lumit të Vlorës në Selenicë, ku sipas raportimeve paraprake dy persona kanë humbur jetën dhe një tjetër ka mbetur i plagosur rëndë.
Ngjarja ka ndodhur si pasojë e një përplasjeje automjetesh në këtë aks, i cili lidh disa zona të Vlorë dhe njihet për qarkullim të vështirë dhe segmente problematike.
Menjëherë pas aksidentit, në vendngjarje kanë mbërritur forcat e policisë dhe ekipet e emergjencës, të cilat kanë ndërhyrë për të asistuar të plagosurin dhe për të kryer veprimet e para hetimore. Personi i lënduar është transportuar me urgjencë drejt spitalit për ndihmë mjekësore.
Shkaqet dhe rrethanat e aksidentit mbeten ende të paqarta, ndërsa grupi hetimor po punon për të zbardhur dinamikën e plotë të përplasjes dhe faktorët që mund të kenë çuar në këtë ngjarje të rëndë.