Një 34-vjeçar është arrestuar në Laç, pasi u kap duke qarkulluar me armë zjarri në automjet.
Operacioni policor i koduar “Siguria” u zhvillua nga shërbimet e Policia e Shtetit në bashkëpunim me forcat e posaçme “Shqiponja”, pas informacioneve se një person lëvizte i armatosur në zonë.
Gjatë operacionit, në qytetin e Laçit policia ndaloi për kontroll një automjet tip Mercedes-Benz, në të cilin dyshohej se udhëtonte personi i armatosur. Gjatë kontrollit fizik, efektivët gjetën dhe sekuestruan një armë zjarri pistoletë me krehër dhe municion luftarak, si dhe automjetin.
Në përfundim të veprimeve procedurale, u arrestua në flagrancë shtetasi E. P., 34 vjeç, banues në Laç, në Kurbin, i dyshuar për veprën penale “Mbajtja pa leje dhe prodhimi i armëve, armëve shpërthyese dhe municionit”.
Materialet procedurale i janë referuar Prokuroria e Lezhës për veprime të mëtejshme.