EKUADOR– Janë arrestuar në Ekuador mbrëmjen e 17 Gushtit, Douglas C. dhe Luis S., gjatë një operacioni të përbashkët mes Policisë Kombëtare dhe Prokurorisë së Përgjithshme të Shtetit, në Ekuador.
Ndërkohë që dy persona kanë përfunduar pas hekurave, një tjetër është shpallur në kërkim, nga autoritetet në Ekuador, pasi akuzohen se kanë favorizuar mafian shqiptare, konkretisht bëhet fjalë për grupin e Dritan Gjikës.
Mediat e huaja shkruajnë se në një njoftim të prokurorisë vendase, thuhet se personat e arrestuar kishin dhënë ‘në mënyrë të parregullt, masa sigurie në favor të 3 të pandehurve, që kanë qenë pjesë e mafias shqiptare. Këta shtetas, të cilët ndodheshin në paraburgim për krim të organizuar dhe pastrim parash, dyshohet se ishin pjesë e një rrjeti kriminal të drejtuar nga Dritan G”.
“Ata kanë dhënë – në mënyrë të parregullt – masa sigurie në favor të tre të pandehurve që dyshohet se janë pjesë e mafies shqiptare. Këta shtetas, të cilët ndodheshin në paraburgim për krim të organizuar dhe pastrim parash, dyshohet se ishin pjesë e një rrjeti kriminal të drejtuar nga Dritan G.”- njoftoi prokuroria./radiocentro