TIRANË– Mazhoranca socialiste në Komisionin e Posaçëm për Reformën Territoriale pritet të aktivizojë mekanizmin zhbllokues pas bojkotit të opozitës. Pavarësisht se i ishte lënë kohë opozitës deri sot, anëtarët demokratë nuk u paraqitën.
Kryetari i këtij komisionit, Arbjan Mazniku paralajmëroi se do ti drejtohen Kuvendit formalisht për të bërë ndryshimet në Komision, me qëllim sic tha ai ti hapet rruga punimeve të komisionit.
Ai deklaroi se kjo është hera e 4 që opozita nuk merr pjesë në këtë komision. Mazniku u shpreh se prej dy muajsh nuk është bërë asnjë punë dhe nuk ka asnjë produkt nga ky komision, ndaj theksoi se duhet të rifitohet koha e humbur.
“Ne do ti drejtohemi seancës për të ndryshuar komisionin dhe ti hapim rrugën me shpejtësi dhe të fitojmë kohën e humbur.”- tha Mazniku./Radar.al