Bazel ka zyrtarizuar firmën me 32-vjeçarin futbollist, Xherdan Shaqirin i cili nënshkroi një kontratë 3-vjeçare.
Shaqiri u largua nga Bazeli në verën e 2012-ën pasi u largua për tu transferuar në Mynih ku dhe fitoi Champions League me Bajernin.
Disa kohë më vonë futbollisti nga Gjilani luajti për Interin, Stok Sitin, Liverpul, Lion dhe Çikago Fajër.
“Më mbush me krenari dhe jam shumë i lumtur që sot mund të kthehem në vendlindjen time në FCB. Kam pasur një lidhje të thellë me klubin dhe rajonin që nga fëmijëria. Si tifoz dhe sigurisht si lojtar”, tha Shaqiri në një deklaratë për shtyp gjatë ditës së sotme.