FOTOT– U dorëzuan pas 12 orësh, këta janë Erzen Uka dhe Julian Cumraku që u “ngujuan” në një banesë! Iu gjetën armë, municione dhe flamur të ISIS! Njëri ish komando në forcat paqeruajtëse në Irak
OROSH- Dy personat në foto janë Erzen Uka dhe Julian Cumraku, të cilët për 12 orë qëndruan të ngujuar në një banesë në fshatin Orosh të Pukës. “Blutë” kanë raportuar se dy të rinjtë u vetëdorëzuan për shkak të pamundësisë për t’u larguar dhe pas negociatave me të afërmit e tyre.
Gjatë 12 orëve në rrethim, Erzen Uka dhe Julian Cumraku u ngujuan në banesë dhe reaguan me armë ndaj punonjësve të RENEA-s duke u rrezikuar jetën.
Policia informon se rreth orës 09:00, konstatuan një person i cili, sapo ka parë shërbimet e Policisë, është larguar me shpejtësi duke u futur brenda në një banesë të braktisur, pronë e shtetasit me iniciale P. C. (Gjyshi i Julian Cumrakut). Ky person raportohet se nuk iu është bindur thirrjes për të dalë nga banesa duke kërcënuar efektivët, ndërsa në përforcim kanë shkuar Forcat Speciale Renea, ndaj të cilëve nga brenda banesës është qëlluar me armë zjarri. Në murin e shtëpisë shihet i varur një flamur i Organizatës Terroriste “Shteti Islamik” (ISIS), krahas 4 automatikëve dhe një pistolete, që u sekuestruan nga policia.
Gjithashtu brenda banesës u gjetën 17 granata dore difensive, municion luftarak, kapsolla detonatore elektrike për shpërthimin e lëndëve eksplozive, fitil zjarrpërcjellës që përdoret për shpërthimin e lëndëve plasëse, dy gëzhoja./Radar.al
