Presidenti francez Emmanuel Macron pritet të prezantojë të enjten planet për forcimin e shërbimit ushtarak vullnetar, një nismë që pritet të gjejë mbështetje të gjerë mes partive politike. Plani synon të angazhojë personel të trajnuar në forcat e armatosura aktive ose rezervat, pa rikthyer shërbimin ushtarak të detyrueshëm, i cili u hoq në vitin 1997 nga ish-presidenti Jacques Chirac.
Qeveria ka premtuar një ligj të përditësuar deri më 21 dhjetor. Sipas Politico, ideja e shërbimit vullnetar synon të forcojë kapacitetet e ushtrisë për t’u përballur me kërcënimin e Rusisë, duke krijuar gjithashtu kohezion shoqëror dhe disiplinë tek të rinjtë.
Franca synon të arrijë deri në vitin 2035 një forcë rezervë prej 105,000 personash, nga rreth 44,000 që ishte në vitin 2024. Planin e mbështesin shumica e partive politike, përfshirë konservatorët dhe të djathtën ekstreme, ndërsa partitë e majta janë gjithashtu dakord me modelin vullnetar, pa detyrim.
Ky nismë vjen në një kohë kur vendet e tjera evropiane, si Gjermania dhe Polonia, po shqyrtojnë forma të ndryshme të shërbimit ushtarak për të përballuar sfidat e sigurisë në kontinent.