LEZHË– Policia e Lezhës ka arrestuar një 26-vjeçar pasi shiste lëndë narkotike në Shëngjin. Bëhet me dije se gjatë kontrollit është sekuestruar lënda narkotike kanabis.
Bazuar në njoftimin e policisë raportohet se aksioni është kryer nga forcat “Shqiponja”, pas informacioneve të marra në rrugë operative.
“Shërbimet e Policisë, gjatë kontrollit fizik, i gjetën këtij shtetasi, doza të lëndës së dyshuar narkotike kanabis. Në vijim, gjatë kontrollit në banesën e tij, gjetën një tjetër sasi lënde të dyshuar narkotike kanabis. Në përfundim të veprimeve procedurale, u arrestua në flagrancë shtetasi R. L., 26 vjeç, banues në Shëngjin, për veprën penale “prodhimi dhe shitja e narkotikëve.”- thanë burime zyrtare.
Materialet procedurale i janë referuar Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme./Radar.al