Kryeministri Edi Rama mori pjesë përmes video-konference në Samitin e Zgjerimit të BE-së në Bruksel, ku foli për procesin e anëtarësimit të Shqipërisë në Bashkimin Europian dhe për inovacionet e përdorura gjatë këtij rrugëtimi.
Rama përmendi “ministren virtuale” Diella, duke përsëritur dhe shtatzëninë e saj:
“Diella është shtatzënë me 83 fëmijë, duhet të presë t’i lindë këta bebe.”
Rama theksoi një fakt serioz: Shqipëria është i vetmi vend që ka përdorur inteligjencën artificiale (AI) në procesin e anëtarësimit. Sipas tij, AI është përdorur në analizën dhe përgatitjen e paketave ligjore; përshpejtimin e korpusit ligjor që do të shqyrtohet në Parlament; përmirësimin e efikasitetit të procesit pa kompromentuar meritat dhe vlerat e vendit.
“Po përpiqemi të vrapojmë sa më shumë të jetë e mundur duke përdorur AI, por vendi ynë në Evropë së pari është i merituar,” shtoi Rama.