Një operacion i zhvilluar nën drejtimin e prokurorisë ka çuar në arrestimin e 11 personave në qytetin e Elbasanit.
Gjatë kontrollit, policia gjeti 3 armë zjarri tip pistoletë në pronësi të të arrestuarve. Mes të shoqëruarve janë identifikuar Maks Lika, i njohur si miku i Emiljano Shullazit, si dhe biznesmeni Bujar Muça.
Sipas informacioneve paraprake, gjatë aksionit në lokal kanë qenë të pranishëm një numër i madh personash, duke sjellë konfrontime fizike me policinë.
Aktualisht, autoritetet po kontrollojnë materialet filmike dhe po vijojnë verifikimet për të zbuluar të kaluarën dhe aktivitetet e këtyre shtetasve.