TIRANË– “Blutë” e Kryeqytetit kanë zbardhur dinamikën e ngjarjes së ndodhur në zonën e Saukut mesditën e kësaj të diele të 5 Tetorit ku një efektiv policie dhe bashkëshortja e tij mbetën të plagosur.
Përmes njoftimit zyrtar të policisë mësohet se ne zonën e Liqenit të Thatë, forcat “Shqiponja” i kanë bërë shenjë për të ndalur 31-vjeçarit, Imer Krrashi i cili po qarkullonte me makinë, por ai nuk i është bindur urdhrit, duke u larguar me shpejtësi.
Për pasojë është përplasur me disa makina dhe një motor, ku po udhëtonte një polic me bashkëshorten e tij. Ata u transportuan ne spital dhe ndodhen nën kujdesin e mjekeve.
Tiranë/Informacion paraprak
Rreth orës 12:30, tek Liqeni i Thatë, Forca e Posaçme “Shqiponja” i kanë bërë shenjë ndalimi automjetit me drejtues shtetasin I. K., 31 vjeç, pasi kishin marrë informacion se 31-vjeçari qarkullonte me armë zjarri.
Pas ndalimit, në momentin që shërbimet e Policisë i kanë bërë të ditur se ndaj tij dhe automjetit do ushtrohej kontroll, 31-vjeçari ka vijuar lëvizjen me shpejtësi duke perplasur disa automjete dhe 1 motomjet. Si pasojë është dëmtuar drejtuesi dhe pasagjeri në motomjet, të cilët ndodhen në spital.
Pas një ndjekje intensive u bë ndalimi i automjetit. Gjatë kontrollit të automjetit i është gjetur një armë zjarri pistoletë. Infomacion më të detajuar do të jepet në përfundim të veprimeve proceduriale./Radar.al