Anis Mehmeti dhe Kristian Shpendi vijojnë të bëjnë protagonistin në skuadrat e tyre, teksa mbrëmjen e sotme, kontribuan me asist, por për fat të keq nuk arritën të gëzoheshin me fitore.
Bristol Siti nuk shkoi më shumë se barazimi 1 me 1 në shtëpi ndaj Ipsuiçit. Mehmeti dhuroi një harkim perfekt nga këndi në minutën e 18-të për Atkinson, që gjeti golin e avantazhit, ndërkohë që skuadra mike barazoi shifrat me Klark në minutën e 52-të, nga pika e bardhë e penalltisë. Mehmeti qëndroi në fushë gjatë gjithë takimit, teksa në minutën e 45+5 u ndëshkua me karton të verdhë.
Për sa i përket Kristian Shpendit, Çezena e tij u mposht nga Frozinone me shifrat 3 me 1 në duelin e vlefshëm për javën e gjashtë të Serisë B.
Golin e vetëm bardhezinjtë e shënuan në minutën e 76-të me Kiervo, pas asistit të Shpendit, i cili u hodh në fushë në minutën e 70-të në vend të ish-sulmuesit të Prishtinës, Blesa, teksa rezultati ishte 3 me 0 për vendasit.
ASISTI I MEHMETIT: VIDEO
ASISTI I KRISTIAN SHPENDIT: VIDEO/PanoramaSport
Sheyna, 14 vjeçarja nga Florida krijon një xhel që eliminon mbi 90% të mikroplastikës në ujë
Zgjedhjet në Tiranë/ Opozita ka rënë dakord për tre emra (EMRAT)