Fakulteti i Gjuhëve të Huaja i Universitetit të Tiranës njofton me dhimbje të madhe ndarjen nga jeta të psikologes Ilirjeta Metushi, e cila prej vitit 2022 ka qenë pjesë e stafit dhe ka mbështetur studentët në çdo hap të tyre.
“Me dhimbje të madhe njoftojmë ndarjen nga jeta të koleges sonë të dashur, Ilirjeta Metushi, e cila që prej vitit 2022 ka qenë pranë studentëve dhe stafit si psikologe. Ilirjeta do të mbahet mend për buzëqeshjen, mirëkuptimin dhe zemrën e saj të madhe që na frymëzoi të gjithëve. Ngushëllimet tona më të ndjera shkojnë për familjen dhe të afërmit. Në këto çaste të dhimbshme, jemi pranë tyre me mendje dhe zemër”, shkruan fakulteti.
Ilirjeta Metushi do të mbetet në kujtimet e stafit dhe studentëve për kontributin e saj të vyer dhe për shpirtin e saj të ndjeshëm.