Ish-presidenti amerikan Donald Trump ka bërë një deklaratë të fortë ndaj Serbisë, duke rikujtuar presionin që i kishte bërë Beogradit për të shmangur një konflikt të armatosur me Kosovën. Gjatë një konference për shtyp, Trump theksoi se kishte punuar më shumë se çdo president tjetër amerikan për paqen mes dy vendeve.
“Serbia dhe Kosova ishin në prag të një lufte të madhe. Unë i thashë Serbisë: Nëse ndodh kjo, nuk do të keni më asnjë marrëdhënie tregtare me Shtetet e Bashkuara. Dhe ata u tërhoqën,” deklaroi Trump, duke shtuar se kjo qasje kishte funksionuar edhe në rastin e Indisë dhe Pakistanit.
Dy ditë më parë, Trump kishte përmendur sërish Serbinë, duke thënë se ajo ishte “gati të niste një përplasje”, por ndërhyrja e tij e kishte ndalur përshkallëzimin.