Një ngjarje e rëndë është parandaluar në kohë nga Policia e Tiranës, pas ndërhyrjes së menjëhershme të shërbimeve të Komisariatit Nr. 3.
Një 34-vjeçar është arrestuar nën dyshimet se ka marrë me forcë në automjet një 40-vjeçar dhe më pas e ka dhunuar fizikisht. Sipas policisë, ngjarja dyshohet të ketë ndodhur për motive të dobëta.
Pas njoftimit se një person ishte marrë me forcë me automjet, forcat e rendit organizuan menjëherë operacionin për identifikimin dhe ndalimin e autorit të dyshuar. Si rezultat, u arrestua shtetasi L. R. (P.), banues në Tiranë.
Gjatë veprimeve hetimore, u bë edhe sekuestrimi i automjetit të përdorur për ngjarjen.
Njoftimi:
Mori me forcë në automjet dhe dhunoi një shtetas, për motive të dobëta, arrestohet 34-vjeçari.
Sekuestrohet automjeti.
Sapo janë njoftuar se një shtetas ishte marrë me forcë, me automjet, shërbimet e Komisariatit të Policisë Nr. 3 kanë organizuar menjëherë punën për të identifikuar autorin/ët dhe sqaruar rrethanat e rastit.
Si rezultat i veprimeve të shpejta dhe profesionale operacionale, është identifikuar, kapur dhe arrestuar autori i dyshuar i rastit, shtetasi L. R.(P.), 34 vjeç, banues në Tiranë.
Nga këto veprime dyshohet se ky shtetas, për motive të dobëta, ka marrë me forcë në automjetin e tij, një 40-vjeçar, të cilin e ka goditur me grushte.
Materialet procedurale iu referuan Prokurorisë së Tiranës, për veprime të mëtejshme.