Momente terrori janë regjistruar në zonën Arenella, në Piazza Medaglie d’Oro, ku një grabitje me armë në degën e Credit Agricole ka përfunduar me një situatë pengmarrjeje.
Sipas autoriteteve italiane, disa persona të armatosur hynë në bankë dhe morën peng rreth 25 persona, mes klientëve dhe punonjësve, duke i mbajtur të mbyllur brenda godinës.
Në vendngjarje mbërritën menjëherë forcat e karabinierëve dhe zjarrfikësit, të cilët rrethuan zonën dhe hapën hyrjen kryesore të objektit me mjete të posaçme për të mundësuar ndërhyrjen.
Pas negociatave me policinë, të gjithë pengjet u liruan pa pasoja serioze. Gjashtë persona morën ndihmë mjekësore në vendngjarje për shkak të gjendjes së ankthit.
Hetuesit dyshojnë se autorët, një grup prej 3 deri në 4 personash me maska të improvizuara me fytyra aktorësh, mund të jenë arratisur përmes një hapjeje të krijuar në mur ose në dysheme të bankës.
Ndërkohë, policia po kryen këqyrje edhe mbi një automjet të dyshuar se është përdorur gjatë grabitjes, ndërsa hetimet vijojnë për zbardhjen e plotë të ngjarjes.