TIRANË– Kryeqyteti është tronditur paraditen e kësaj të mëkure ku në bulevardin “Dëshmorët e Kombit” një automjet (taksi) ka përplasur tre të mitur të cilët po udhëtonin me dy monopatina, njofton policia.
Të miturit janë dërguar me urgjencë në Spitalin e Traumës në Tiranë, ndërsa drejtuesi i mjetit është shoqëruar në polici.
Ndërkohë sipas JOQ, raportohet se një dëshmitar okular në këtë ngjarje ka rrëfyer se në një skuter të vetme ndodheshin tre të mitur, dhe kaluan rrugën me semafor të kuq.
Sipas tij thuhet se njëri prej fëmijëve nuk u përmend fare pasi ishte në gjendje të rëndë, një tjetër bërtiti dhe humbi ndjenjat ndërsa i treti ishte në gjendje më të mirë.
Ndërkohë vlen të theksohet se sipas policisë njëri prej të lënduarve ndodhet në intubim, ndërsa ende s’ka informacione sesi i është gjendja e tyre tashmë mbi 3 orë pas aksidentit./Radar.al