Një aksident i rëndë është regjistruar mbrëmjen e sotme rreth orës 21:00 në aksin rrugor “Fier-Ballsh”, në afërsi të fshatit Plyg. Një 15-vjeçar nga Mbyeti, duke drejtuar automjetin, dyshohet se ka humbur kontrollin mbi mjetin, i cili ka dalë nga rruga.
Si pasojë e aksidentit janë plagosur tre të mitur: vetë drejtuesi i mjetit dhe dy pasagjerët e tij, përkatësisht 13 dhe 14 vjeç, të gjithë banues në Mbyet. Të plagosurit janë dërguar menjëherë në spital për ndihmë mjekësore, ndërkohë që burime policore bëjnë me dije se dy pasagjerët ndodhen në sallën e operacionit për shkak të plagëve të rënda.
Grupi hetimor ndodhet në vendngjarje dhe po punon për sqarimin e plotë të shkaqeve të aksidentit.