TIRANË– Në një kohë që na ndajnë vetëm dy ditë nga ndeshja Shqipëri-Sebi, në rrjet janë regjistruar disa raste nga policia teksa shisnin bileta në Instagram deri në vlerën 1500 Euro.
Pak minuta më parë ka reaguar përmes një postimi në Facebook Federata Shqiptare e Futbollit ku sqaron se vijon procesi i shpërndarjes së biletave përmes shortit elektronik për ndeshjen Shqipëri-Serbi.
REAGIMI I PLOTË I FSHF-së:
Procesi i shitjes së biletave të ndeshjes Shqipëri-Serbi, sqarim për opinion publik
Federata e Futbollit njofton se vijon procesi i shpërndarjes së biletave përmes shortit elektronik për ndeshjen Shqipëri – Serbi.
Të gjithë personat që janë shpallur fitues dhe kanë fituar të drejtën për të blerë bileta duhet të veprojnë sa më shpejt, pasi linku i dërguar është i vlefshëm vetëm për 24 orë nga momenti i marrjes.
Pas këtij afati, linku bëhet i pavlefshëm dhe biletat nuk mund të blihen. Për këtë arsye, FSHF u bën thirrje të gjithë fituesve të përfundojnë procesin e blerjes brenda afatit, duke kryer pagesën përkatëse.
Ndeshja Shqipëri – Serbi, e vlefshme për kualifikueset e Kupës së Botës 2026, do të zhvillohet të shtunën, më 7 qershor, në orën 20:45, në stadiumin “Arena Kombëtare”./Radar.al
“Kam patur shokë shqiptarë”/ Futbollisti serb para ndeshjes: Respekt, janë shumë të fortë