TIRANË– Këtë të enjte të 29 Majit është zhvilluar seanca e parë plenare pas mbajtjes së zgjedhjeve parlamentare të 11 Majit, të fituara nga Partia Socialiste e Shqipërisë. Një seancë e cila ka zgjatur vetëm 15 minuta, ndërsa nuk kanë munguar tensionet mes mazhorancës dhe opozitës.
Ishte vetëm Kryedemokrati Sali Berisha ai që mbajti fjalën në Kuvend, si dhe disa minuta socialisti Niko Peleshi.
Kujtojmë se kërkesa e Partisë Demokratike për një orë debat jashtë rendit të ditës, u rrëzua me votën e mazhorancës.
Në fotot e mëposhtme janë disa nga momentet e takimeve të deputetëve në ambientet e jashtme të Kuvendit. Shihet se nuk kanë munguar përshëndetjet mes deputetëve socialistë dhe atyre demokratë./Radar.al
