Ditën e sotme është arrestuar nga policia e Tiranës një 23-vjeçar, ndërsa kanë nisur procedimet në gjendje të lirë për dy motra dhe 3 të rinj të tjerë, pas përfshirjes në sherrin e dhunshëm të ndodhur në kryeqytet.
Më konkretisht mësohet se janë vënë në pranga, shtetasi K. K., 23 vjeç, dhe u proceduan në gjendje të lirë për shtetasit L. G., 25 vjeçe dhe E. G., 25 vjeçe (motra), Sh. Ll., 20 vjeç, K. H., 20 vjeç dhe K. N., 20 vjeç.
Kujtojmë se ditën e djeshme në ambientet e një lokali, në rrugën “Reshit Petrela”, 23-vjeçari u konfliktua me shtetasit Sh. Ll., K. H. dhe K. N. dhe gjatë konfliktit shtetasi K. K. plagosi me thikë shtetasin Sh. Ll
Gjithashtu, shtetasi K. K., gjatë ndërhyrjes së punonjësit të Policisë Rrugore në shërbim, i ka marrë atij armën e shërbimit dhe e ka hedhur disa metra me tej.
Në këtë moment ndërhynë dhe 2 shtetaset, të cilat kundërshtuan punonjësin e Policisë.