Ndërsa tensioni politik dhe ritmi i numërimit të votave vijon në Shkodër, një tjetër ngjarje ka “shpërqendruar” vëmendjen e qytetit: finalja e madhe e Superiores mes Vllaznisë dhe Egnatias.
Në orën 20:00, në përkim të çuditshëm me nisjen e ndeshjes që mund t’i sjellë Shkodrës titullin e parë pas 24 vitesh, shumë komisionerë dhe numërues nga të dyja palët, PS dhe PD, kanë kërkuar pushim. Një pauzë e pazakontë, por që tregon se kur është fjala për Vllazninë, edhe kundërshtarët politikë bëhen bashkë.
Pavarësisht klimës së nxehtë elektorale, futbolli ka arritur të ndërpresë për pak çaste edhe numërimin e votave – një dëshmi tjetër e lidhjes së fortë emocionale që qyteti ka me skuadrën e tij legjendare.