Këshilltari amerikan i Partisë Demokratike, Chris LaCivita, ka përmbyllur aktivitetet elektorale duke theksuar se Shqipëria nuk mund të lejojë një mandat tjetër të kryeministrit Edi Rama.
Ai e filloi fjalën e tij duke shprehur habinë për numrin e madh të mbështetësve, duke falënderuar qytetarët për mbështetje dhe duke nënvizuar se Shqipëria ndodhet në një udhëkryq të rëndësishëm.
Sipas LaCivita, vendi është përballë një dileme të madhe, jo vetëm për të ardhmen dhe ëndrrat e shqiptarëve, por edhe për pozicionin e tij në arenën ndërkombëtare.
“Gjithnjë habitem se sa e madhe është gjithë kjo turmë, faleminderit Shqipëri, faleminderit për mbështetjen tënde, ndan të ardhmen dhe shpresat e tua, Shqipëria sikurse e dëgjuam ndodhet në një udhëkryq, jo vetëm për ëndrrat tuaja dhe të familjeve, por edhe për pozicionin e këtij vendi në arenën ndërkombëtare. Shqipëria nuk mund të lejojë edhe një mandat tjetër të Edi Ramës, korrupsioni, gjendja e vështirë ekonomike”, tha LaCivita.