Prokuroria e Posaçme (SPAK) ka rrëzuar akuzën për “Korrupsion aktiv në zgjedhje” ndaj kandidates së PS për deputete në qarkun e Fierit, Zegjine Çaushi, duke theksuar se kjo akuzë nuk qëndron. SPAK ka shpallur moskompetencë për çështjen dhe ka vendosur që çështja të kalojë për hetim në Prokurorinë e Fierit, pasi ka dyshime për veprime të tjera penale të cilat janë në juridiksionin e saj.
SPAK ka arritur në përfundimin se nuk ka elemente për akuzën e “korrupsionit aktiv në zgjedhje”, por ka identifikuar dyshime për tre vepra të tjera penale. Këto përfshijnë “Shpërdorimin e detyrës”, “Përdorimin e funksionit publik për veprimtari politike ose zgjedhore”, dhe “Kanosje apo dhunim ndaj pjesëmarrësve në zgjedhje”. Për këtë arsye, SPAK ka vendosur të mos regjistrojë procedim penal për akuzën e korrupsionit zgjedhor dhe t’i kalojë dosjen Prokurorisë së Fierit për hetime të mëtejshme mbi këto akuza.
Hetimet e SPAK janë lidhur me një audiopërgjim të publikuar në emisionin “Piranjat”, ku Zegjine Çaushi shfaqet duke kërcënuar dhe bërë presion ndaj një qytetari për të siguruar votën e tij.
Njoftimi i SPAK
SPAK ka përfunduar hetimet ndaj kandidates së PS për deputete në qarkun e Fierit Zegjine Çaushi, dhe ka dalë në konkluzionin se nuk jemi përpara veprës penale “korrupsion aktiv në zgjedhje”, por mund të jeni përpara rastit të konsumimit të 3 veprave të tjera penale që janë në kompetencë të Prokurorisë së Fierit.
Konkretisht bëhet fjalë për dyshimet për kryerjen e veprave penale “Shpërdorimi i detyrës”, “Përdorimit të funksionit publik për veprimtari politike ose zgjedhore” dhe “Kanosje apo dhunim ndaj pjesëmarrësve në zgjedhje”. Për këtë arsye, SPAK ka vendosur që të mos regjistrojë procedim penal për “korrupsion aktiv në zgjedhje”, dhe ti kalojë dosjen Prokurorisë së Fierit që të kryejë veprime hetimore procedurale për këto 3 vepra penale të tjera.
Hetimet e SPAK kanë të bëjnë me një audiopërgjim të publikuar në media, ku kandidatja e PS Zegjine Çaushi shfaqet duke kërcëuar një qytetarë dhe duke i bërë presion për votën.