Në 80-vjetorin e vdekje së Adolf Hitlerit, shërbimi sekret rus ka deklasifikuar për herë të parë dokumente sekrete që detajojnë momentet e fundit të diktatorit nazist. Publikimi përfshin prova fizike, si fragmentet e nofullës së djegur dhe dhëmbët e tij të kalbur – që konfirmojnë vetëvrasjen me cianur – si dhe dëshmitë origjinale të ndihmësve të tij më të afërt, të marra nga sovjetikët pas përfundimit të luftës.
Sipas këtyre dokumenteve, Hitleri vrau veten nga frika se mos kapej gjatë një arratisjeje të pamundur nga Berlini, ndërkohë që ishte fizikisht i rrënuar dhe psikologjikisht i thyer. Dëshmitari kryesor, Heinz Linge, tregon detaje tronditëse mbi mënyrën sesi u përgatit vetëvrasja, djegia e trupit dhe gjendja mendore e Hitlerit në momentet e fundit. Po ashtu, për herë të parë, është publikuar dëshmia e teknikut dentar që identifikoi kufomën nëpërmjet urave dhe mbushjeve dentare të veçanta.
Dosja përfshin edhe një strategji psikologjike sovjetike për të thyer heshtjen e ndihmësve nazistë: ata përdorën një kriminel lufte gjerman për të bindur Otto Gunsche që të dëshmonte, duke e liruar nga betimi ndaj Hitlerit pas vetëvrasjes së tij.
Pamjet arkivore, të shfaqura në kanalin “Zvezda TV”, tregojnë pjesë nga nofulla e Hitlerit dhe përshkruhen si “grimca të së keqes universale”. Këto publikime i japin fund një kapitulli të errët të historisë me burime autentike që deri më sot qëndronin të mbyllura në arkivat e KGB-së.