Emigranti i parë u dëbua nga qendra e re italiane për riatdhesimet në Shqipëri, në Gjadër. Bëhet fjalë për një burrë 42-vjeçar nga Bangladeshi, i dënuar më parë për dhunë dhe i konsideruar i rrezikshëm për shoqërinë.
Ai ishte transferuar nga Caltanissetta më 11 prill, ku mbante një byzylyk elektronik, por ishte arratisur dhe ishte denoncuar gjithashtu për lëndime dhe dëmtime. Ky individ u kthye në Itali dhe më pas hipi në një fluturim për Daka.
Ministri Piantedosi njoftoi se operacionet do të vazhdojnë, në përputhje me strategjinë e qeverisë për të luftuar migracionin e paligjshëm. Komisioni i BE-së ndërkohë ka përfshirë Bangladesh-in në grupin e “Vendeve të Sigurta”, duke lehtësuar rimpatrimet.