ITALI– Mark Samson, mesa duket paska pasur një mendje “regjisori”. I riu me origjinë filipineze që vrau 22-vjeçaren shqiptare Ilaria Sula, çdo ditë të re, jep një dëshmi të re.
Mediat italiane kanë raportuar sëfundmi një mesazh të Mark Samson, foto përmes të cilët dëshmohet se autori i krimit 3 ditë para vrasjes makabre të Ilaria Sulës, kishte postuar një shkrim nga një account anonim ku kërkonte shoqëri, ndërsa pak orë para krimit ai ishte bërë pjesë e një liste të një feste.
“Përshëndetje! Unë jam një djalë 23 vjeç. Kërkoj vajza për një mbrëmje të qetë ose për një kafe në mëngjes. Ndoshta mund të bëhrmi miq dhe flasim pak për jetën. Kontaktoni, LIKE e COMMENTI.”- është kjo përmbajtja e kërkesës së vrasësit të Ilaria Sulës.
Ndërsa pasi vrau Ilaria Sulën, 23-vjeçari nuk rend së shkruari dhe i dërgon një mesazh njërës prej vajzave që ka njohur online: Përshëndetje, je akoma jashtë?
Ndërkohë kujtojmë se është zbuluar se ish-i dashuri i Ilarias nuk ndiqte leksionet, nuk i kalonte provimet, e megjithatë ishte gjithmonë i pranishëm aty ku kishte më pak rëndësi, në festat e universitetit. Ai kishte ndërtuar një jetë paralele rreth vetes. Ai u tha prindërve se ishte një hap larg diplomimit për Arkitekturë, por e vërteta qëndron se ai kishte dhënë vetëm një provim në universitet. Një gënjeshtër e kopsitur mirë, e dobishme për të mbuluar një jetë të përditshme të krijuar nga “asgjëja” akademike.
***27 MARS 2025***
Ilaria Sula u zhduk më 25 Mars të 2025. Teksa nga kjo datë duheshin pak ditë për festën e Bajramit, familja Sula e priste vajzën 22-vjeçare të kthehej nga Roma ku studionte për Statistikë në “La Sapienza”, në Terni për të festuar FITER Bajramin. Kjo nuk ndodhi. Mbrëmjen e së martës së 25 Marsit Ilaria doli nga apartamenti në Romë ku jetonte me shoqe për të ndarë qeranë dhe u largua pa marrë asgjë me vete, gjë që tregonte një sjellje normale të saj. Orët kaluan dhe ajo nuk u kthye në shtëpi, shoqeve nuk iu ktheu më mesazhet gjithashtu as familjarëve. Të shqetësuar për fatin e së bijës e ëma dhe i ati i Ilarias denoncojnë zhdukjen e saj. Pista kryesore e hetimit ishte Mark Samson. 23-vjeçari filipinas, ish-i dashur i studentes shqiptare. Më 2 Prill ai ka pranuar krimin dhe ka dërguar policinë 40km larg Romës, në Poli, pikërisht në vendin ku nga një shkëmb, zonë pyjore, hodhi valixhen brenda së cilës gjendej trupi i pajetë i Ilaria Sulës. Ai në dëshminë e tij shprehet se është penduar për gjithçka ka bërë ndërsa zbulohet se krimin e ka kryer në banesën e tij. Hetimet kanë zbuluar se ai është ndihmuar për krimin nga nëna dhe miqtë e tij./Radar.al