ITALI– Janë zbuluar detaje të reja nga hetimet që po kryhen mbi vrasjen e studentes 22-vjeçare shqiptare, Ilaria Sula.
Kujtojmë se deri më tani në pranga është vënë autori 23-vjeçar, Mark Samson por autoritetet kanë dyshime për bashkëpunëtorë të tjerë. Dyshimet janë rritur akoma më shumë pasi janë gjetur gjurmë ADN-je të një burri në valixhen ku u fut trupi i shqiptares i cili më pas u hodh në një zonë pyjore jashtë Romës.
Fokusi i magjistratëve të prokurorisë së Romës tashmë është përqendruar te babai i Mark Antony Samson, ish-të dashurit të viktimës.
Ai nuk është momentalisht nën hetim pasi sipas dëshmisë së nënës së autorit, bashkëshorti i saj nuk ndodhej në shtëpi kur Mark vrau Ilarian dhe më pas ajo e ndihmoi të fshihte gjurmët e gjakut.
Pas detajeve të fundit, raportohet se pritet që babai i vrasësit të merret sërish në pyetje dhe t’i kryhen analizat nëse ADN-ja e tij përputhet me atë që u gjet në valixhe./Radar.al