Karlo Ançeloti ka pranuar se Real Madridi i tij pësoi një kolaps të plotë në ndeshjen e sotme ndaj Arsenalit në pjesën e dytë. Tekniku italian i spanjollëve pohoi se ekipi nuk pat forcë të reagonte, por shpreson që ta bëjë një gjë të tillë në “Santiago Bernabeu”.
“Për një orë skuadra ishte mirë dhe më pas ne paguam shtrenjtë dy golat e tyre me goditje standarte. Mendërisht nuk patëm një qasje të mirë në pjesën e fundit. Është një humbje e vështirë. Sidomos për shkak të asaj që nuk ditëm të bënim në pjesën e dytë. Dhe sepse në të parën e bëmë mjaft mirë.
A mungoi futbolli? Po. Skuadra u rrëzua mendërisht dhe nuk mundi të reagonte. Deri në atë pikë ishte në ekuilibër. Kishte intensitet. Ata nuk kërkuan shumë hapësira mes rreshtave derisa shënuan të dytin.
Receta për ndeshjen e kthimit? Tani duhet të punojmë, të sakrifikojmë. Të bëhemi të gjithë bashkë dhe t’ia dalim. E kemi bërë shumë herë dhe duhet ta bëjmë sërish. Është e ndërlikuar, por duhet ta provojmë nga minuta e parë deri në të fundit”, tha Ançeloti pas sfidës./PanoramaSport
Vr*u Ilaria Sulën/ Mark Samson u ndihmua edhe nga 2 shokë të tij