Periudha e adoleshencës është një nga çastet më me luhatje gjatë jetës. Gjatë kësaj kohe të shumtë janë djemtë që duan të njihen si “më i forti” dhe për gjënë më të vogël mes tyre plas sherri.
Kështu konstato edhe psikologia Aurela Agalliu, e cila mori shkas pas ngjarjes së ndodhur mes nxënësvë të shkollës “Sami Frashëri” në Tiranë, ditën e djeshme.
Kjo dëshirë për të treguar forcën përmes dhunës, nxitur edhe nga rrjetet sociale thuhet se ka rriur konfliktet fizike mes adoleshentëve.
Në një intevristë për Top Channel, ptheksin dhe tek një tjetër problematik: mosfunksionimi i trekëndëshit të bashkëpunimit prindër-mësues-nxënës.
“Duke mos u evidentuar këto problematika brenda ambienteve të shkollës në lidhje me shfaqjen e disa sjelljeve apo dhe emocioneve të fëmijëve dhe duke mos u komunikuar dhe referuar te prindi dhe gjithashtu anasjelltas problematikat që prindërit identifikojnë tek fëmijët e tyre brenda në familje dhe më pas nuk i referojnë në shkollë, sigurisht që do të kemi prodhim dhe shtim të rasteve të tilla”, shprehet ajo.
Për ti kapur në kohë rastet e keqkuptimeve mes të rinjve dhe për ti menaxhuar në mënyrë të tillë që të evitohen përplasjet fizike duhet që rolin të kryejnë dhe aktor të tjerë brenda institucioneve arsimore, krahas mësuesve.
“Roli i punonjësit social është shumë i rëndësishëm nëpër shkolla, roli i psikologut gjithashtu. Nëse do të kemi të gjithë profesionistët e duhur në institucionet arsimore, mendojë që edhe vet institucioni dhe mënyra si do të funksionojë në lidhje me edukimin, do të jetë më i mirë”, shton psikolgia.
Konfliktet mes të rinjve në një pjesë të madhe të rasteve nuk raportohen në polici, ç’ka bën që problematikat të përshkallëzohen në të ardhmen.