“Unë nuk gënjej”/ Rama publikon vendimin, zbulon kur do të jepet bonusi i pranverës për pensionistët

TIRANË– Kryeministri Edi Rama përmes një postimi në  rrjetin e tij social “X”, ka zbuluar datën e shpërndarjes së bonusit të pranverës për pensionistët.

Shefi i qeverisë ka njoftuar se më 1 Mars do të nis shpërndarja e bonusit të pranverës për pensionistët.

Shtyrja e dhënies së bonusit të pensionistëve/ Rama: S’kam thënë do jepet në shkurt. Është depozituar në Bankën e Shqipërisë

POSTIMI I RAMËS: 

Jo vetëm që unë nuk gënjej po flas me përgjegjësi të plotë për çka ka të bëjë me detyrën që më ka dhënë populli, e meqë vizion kanë akuzën, program kanë shpfijen dhe forcë udhëheqëse kanë gënjeshtrën, kudo, kurdoherë e për çdo gjë, e përhapën edhe lajmin që s’ka bonus për pensionistët! Por ja që vendimi për bonusin është marrë që në 9 janar dhe shpërndarja nis në 1 mars. Ta gëzojnë pensionistët dhe Zoti paftë e bëftë për ata që luajnë edhe me nervat e tyre“, ka shkruar kryeministri në platformën “X”.