Pas pezullimit të ndihmës për rivendosjen e refugjatëve nga ish-presidenti Donald Trump, këta individë ndodhen në një gjendje pasigurie në vendin tonë.
Ditën e sotme detaje të reja kanë dalë në pah se kush do i mbulojë shpenzimet e tyre në Shqipëri.
Shawn VanDiver nga organizata “AfghanEvac” në Ëashington në një intervistë për Top Channel na zbuloi disa skenarë të mundshëm se si do të jetë e ardhmja e rreth 400 afganëve të vendosur aktualisht në bregdetin e Shëngjinit.
Sipas tij shpresohet në sigurimin e një përjashtimi nga urdhri ekzekutiv, duke lejuar që këta individë të vazhdojnë aplikimin e vizës SIV dhe udhëtimin e tyre drejt SHBA-së.
Gazetari Top Channel, Muhamed Veliu mëson se për çdo ditë qëndrimi në Shëngjin kostoja e strehimit dhe ushqimit për perso kap shifrën 42 euro.
Kjo nënkupton se për 400 afganët aktualisht në Shëngjin, kostoja ditore kap në total shifrën e 16.800 eurove.
Shawn VanDiver thotë se: “Akomodimet nuk financohen nga ndihma që është pezulluar, por shumë nga shërbimet që mbështesin afganët në Shëngjin varen nga ky financim”.
“Strehimi, ushqimi dhe kujdesi mjekësor do të mbeten të paprekura, dhe shqyrtimi i vizave mund të vazhdojë. Megjithatë, shërbime të tjera kritike, si udhëtimi për në SHBA, ndoshta do të ndalen. Shërbimet pas mbërritjes në SHBA aktualisht janë pa financim, që do të thotë se afganët nuk do të ri-sigurohen deri sa të arrihet një zgjidhje. Nëse nuk miratohet një përjashtim, Departamenti i Shtetit do të duhet të gjejë zgjidhje alternative, megjithëse nuk është e qartë se cilat mund të jetë kjo zgjidhje”.
Kjo pasiguri theksoi Shawn VanDiver është shumë shqetësuese dhe shpresojmë që po trajtohet si një çështje prioritare.