Me miratimin e familjes së Parashqevi Simakut, biznesmeni i njohur Elton Ilirjani na zbulon detaje të reja nga jeta personale e këngëtares si dhe nga divorci i saj me ish-bashkëshortin Robert Nolfe.
Nëpërmjet disa videove të postuar në profilin e tij në Instagram Ilirjani nga një deklaratë të gjatë të bërë nga Nolfe, zbulon arsyet e ndarjes nga Simaku dhe vendimin e gjykatës për kujdestarinë e djalit të tyre, Luke.
Nga deklaratat e siguruara mësohet se Robert Nolfe shpjegon që në fillim të procedurave të divorcit ai nuk kërkoi kujdestarinë e djalit, por vetëm të kishte mundësinë ta takonte atë dy herë në javë.
Gjithashtu, ai pranoi që për shumë vite të paguante qiranë e shtëpisë ku jetonte Parashqevi, nga viti 2007 deri në 2018, si një kontribut për mirëqenien e familjes.
Dy vite pas divorcit ai na zbulon se sjellja e Simakut ndaj djalit ishte përkeqësuar duke e izoluar atë jo vetëm nga ai si baba, por edhe nga jeta sociale dhe shkolla.
Ai pretendon se ikona shqiptare refuzonte të dërgonte djalin për kontrolle mjekësore, ç’ka e çoi çështjen në gjykatë.
Për rrjedhojë të kësaj situate, gjykata vendosi që kujdestarinë e Luke ta merrte Robert Nolfe.
View this post on Instagram