VLORË– Një shtetase 56-vjeçare e identifikuar si A.SH., është proceduar penalisht pasi Specialistët e Seksionit të Hetimit dhe ZMPKT Vlorë kanë konstatuar një shumë të konsiderueshme parash, 20.345 euro të cilat kishte tentuar t’i kalonte në territorin e republikës së Shqipërisë, nëpërmjet portit të Vlorës.
NJOFTIMI I PLOTË I POLICISË:
Port Vlorë
Nuk deklaroi 20 345 euro, në hyrje, procedohet penalisht.
Sekuestrohet shuma e parave.
Specialistët e Seksionit të Hetimit dhe ZMPKT Vlorë, referuan materialet në Prokurori, ku nisi procedimi në gjendje të lirë për shtetasin A. Sh., 56 vjeçe, banues në Vlorë, për veprën penale “Mosdeklarimi në kufi i të hollave dhe i sendeve me vlerë”.
Procedimi penal ndaj këtij shtetasi filloi pasi në portin e Vlorës, në hyrje të Republikës së Shqipërisë, shërbimet e Policisë Kufitare, gjatë kontrollit fizik ndaj shtetasit A. Sh. dhe kontrollit në automjetin e tij, gjetën 20 345 euro, të cilat nuk ishin deklaruar sipas ligjeve në fuqi.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Vlorë, për veprime të mëtejshme./Radar.al