Detaje të reja kanë dalë në pah në lidhje me tërmetin e ndodhur së fundmi në Mianmar i cili shokoi botën.
Mësohet se katër persona të tjerë janë nxjerrë nga rrënojat gati 60 orë pas tërmetit të fuqishëm.
Mediat e huaja bëjnë me dije se të mbijetuarit u nxorrën nga një ndërtesë shkolle e shembur në rajonin verior të Sagaing.
Qindra njerëz mbeten të zhdukur, ndërsa përpjekjet e forcave të kërkim-shpëtimit vijojnë si në Mianmar ashtu edhe në Tajlandën fqinje.
Pavarësisht përpjekjeve për shpëtim në kohë rekord, mësohet se ka pasur vonesa në arritjen e zonave më të goditura, duke i lënë vendasit të përpiqen të nxjerrin të mbijetuarit me dorë .
Ekipet ndërkombëtare të shpëtimit i janë bashkuar përpjekjeve për katastrofën, me disa vende që kanë dërguar ndihmë në Mianmar. Kina ka drguar një ekip shpëtimi prej 82 personash, India një ekip shpëtimi dhe furnizime emergjente. Malajzia, Filipinet , Vietnami , Indonezia , Irlanda , Koreja e Jugut dhe Zelanda e Re gjithashtu po dërgojnë ekipe shpëtimi.
LEXO EDHE:
Tërmeti që shokoi botën. Mbi 1700 viktima e qindra të humbur