SHBA– I ati i Elon Musk, Errol Musk, ka kritikuar rëndë të birin dhe aftësitë e tij si prind gjatë një intervistë në podcastin “Wide Awake”.
Errol ka theksuar se Elon nuk ka qenë një baba i mirë dhe përmendi tragjedinë e djalit të parë të Elonit, Nevada, i cili vdiq në vitin 2002 kur ishte vetëm 10 javësh, ndërsa ishte nën kujdesin e dadove.
Errol tha se fëmijët e Elonit dhe Justine Wilson kishin shumë dado dhe se kur ata u ndanë, kishte deri në 12 dado që kujdeseshin për ta, duke e cilësuar këtë situatë si “shumë të çuditshme”.
“Kur u ndanë, ishin gjashtë dado nga njëra anë dhe gjashtë nga ana tjetër. Një situatë shumë e çuditshme.”- theksoi Errol.
Gjatë intervistët Errol ka sugjeruar se Elon nuk kalonte mjaftueshëm kohë me fëmijët e tij, dhe këto komente u bënë virale në rrjetet sociale, ku shumë njerëz i dënuan ato. Kritikat ndaj Errolit janë shtuar, duke marrë parasysh sjelljen e tij të diskutueshme, përfshirë faktin që ka një fëmijë me ish-njerkën e tij, Jana Bezuidenhout.
Përveç fëmijëve me Justine, Elon ka gjithashtu tre fëmijë me Grimes dhe disa të tjerë me partnere të ndryshme, duke përfshirë edhe binjakët Strider dhe Azure me Shivon Zilis. Përveç kësaj, shkrimtarja Ashley St. Claire ka njoftuar se ka lindur një fëmijë të 13-të nga Elon, megjithëse ajo e fshiu shpejt postimin./Radar.al