Komisioneri Shtetëror i Zgjedhjeve, Ilirjan Celibashi, ka miratuar sot rezultatet përfundimtare të votimit për qarqet Tiranë, Durrës dhe Elbasan, në kuadër të zgjedhjeve parlamentare të 11 majit 2025.
Tiranë – Partia Socialiste doli forcë e parë me 230.157 vota, duke lënë pas koalicionin PD – Aleanca për Shqipërinë Madhështore me 164.316 vota. Forcat e tjera me rezultate të dallueshme janë Partia “Mundësia” me 23.650 vota, dhe Partia Socialdemokrate me 14.781 vota.
Durrës – Edhe në këtë qark kryeson PS me 84.028 vota, përballë PD-ASM me 58.978 vota. Ndër forcat më të vogla, vlen të përmendet Partia “Mundësia” me 4.100 vota, dhe Koalicioni “Nisma Shqipëria Bëhet” me 4.652 vota.
Elbasan – Partia Socialiste thellon epërsinë me 93.765 vota, kundrejt 42.519 votave të PD-ASM. Partia “Mundësia” dhe “Nisma Shqipëria Bëhet” marrin respektivisht 3.267 dhe 6.302 vota.
KQZ do të vijojë me miratimin e rezultateve për qarqet e tjera në ditët në vijim. Rezultatet konfirmojnë epërsinë e Partisë Socialiste në këto tre qarqe kryesore, ndërsa forcat e reja dhe koalicionet e vogla kanë pasur ndikim të kufizuar.