Këngëtari i njohur, Shpat Kasapi, u përfshi pak ditë më parë në një incident gjatë një dasme në Shkabaj të Prishtinës, ngjarje që ka bërë bujë në rrjetet sociale dhe mediat rozë.
Edhe pse rrethanat e plota mbeten të paqarta, reagimi i ish-partneres së tij, Selvije, ka tërhequr vëmendje. Përmes një postimi publik, ajo la të kuptohet se mesazhi i saj ishte një ‘thumb’ i drejtpërdrejtë për këngëtarin:
“Nuk ka nevojë për hakmarrje sepse Zoti është më i madh, karma ekziston dhe njerëzit e shëmtuar nga brenda përfundojnë duke shkatërruar vetë jetën e tyre.”
Postimi ndezi debat mes ndjekësve, të cilët e lidhën me incidentin ku u përfshi Kasapi. Nga ana tjetër, këngëtari nga Maqedonia sqaroi se gjithçka ishte një keqkuptim dhe se gjendet mirë me shëndet.
Shpat Kasapi dhe Selvija janë ndarë prej disa muajsh dhe kanë një djalë së bashku.
