Ministrja e Turizmit dhe Mjedisit, Mirela Kumbaro, falenderoi sot forcat zjarrfikëse dhe të emergjencave civile për punën intensive në shuarjen e zjarreve.
Pavarësisht se betejat me flakët vazhdojnë në fshatrat përreth, Parku Natyror i Syrit të Kaltër mbetet i sigurt dhe i mbyllur për vizitorët për të garantuar sigurinë e tyre.
“Beteja me flakët vazhdon pa pushim, por parkun e kemi nën kontroll,” shkroi Kumbaro në rrjetet sociale, duke vlerësuar angazhimin e Policisë, Forcave të Armatosura dhe Administratës së Zonave të Mbrojtura.